काठमाडौँ । नेपाल बैंक लिमिटेड र काठमाडौंको चावहिलस्थित ॐ हस्पिटल एण्ड रिसर्च सेन्टर प्रा. लि. बीच उपचार सेवामा विशेष छुट प्रदान गर्ने सम्झौता भएको छ।
सम्झौताअनुसार नेपाल बैंकमा कार्यरत कर्मचारी, उनीहरूका परिवारका सदस्य तथा बैंकमा खाता रहेका ग्राहकहरूले ॐ हस्पिटलमा उपचार गर्दा शुल्कमा उल्लेखनीय छुट पाउनेछन्।
सम्झौता बमोजिम अस्पतालमा उपलब्ध विभिन्न उपचार सेवामा लाग्ने बिल रकममा ५ देखि १५ प्रतिशतसम्म छुट प्रदान गरिने व्यवस्था गरिएको छ। यसले स्वास्थ्य उपचारको बढ्दो खर्चका बीच बैंकका कर्मचारी र ग्राहकहरूलाई राहत पुग्ने अपेक्षा गरिएको छ।
सम्झौता पत्रमा नेपाल बैंक लिमिटेडको तर्फबाट प्रमुख वित्त अधिकृत दीपेन्द्र राज काफ्ले र ॐ हस्पिटल एण्ड रिसर्च सेन्टर प्रा. लि.को तर्फबाट प्रमुख कार्यकारी अधिकृत यम बहादुर महत ले हस्ताक्षर गरेका छन् ।
यस सहकार्यबाट नेपाल बैंकका कर्मचारी, उनका परिवारका सदस्य तथा बैंकमा खाता रहेका ग्राहकहरू ॐ हस्पिटलले प्रदान गर्ने गुणस्तरीय र सहुलियतपूर्ण स्वास्थ्य सेवाबाट लाभान्वित हुने विश्वास बैंकले व्यक्त गरेको छ।
