काठमाडौं । झुठ्ठा विवरण पेश गरी नागरिकता, राष्ट्रिय परिचयपत्र तथा राहदानी बनाउने कार्यमा संलग्न रहको अभियोगमा ३ जनालाई प्रहरीले पक्राउ गरेको छ ।

पक्राउ पर्नेहरूमा काठमाडौं तारकेश्वर नगरपालिका-८ शान्तिटोल बस्ने दाङ तुलसीपुर उपमहानगरपालिका-१७ घर भएका ४३ वर्षीय यम बहादुर बस्नेत, ललितपुर महालक्ष्मी नगरपालिका-१ इमाडोल बस्ने झापा कचनकबल गाउँपालिका-३ घर भएका ५१ वर्षीय कृष्ण बहादुर कटुवाल र काठमाडौं महानगरपालिका-३० ज्ञानेश्वर बस्ने झापा भद्रपुर नगरपालिका-९ घर भएका ४१ वर्षीय सूर्य बहादुर खड्का रहेका छन् ।

झुठ्ठा विवरण पेश गरी नागरिकता, राष्ट्रिय परिचयपत्र र राहदानी बनाई विभिन्न व्यक्तिहरू तेस्रो मुलुक जाने गरेको भन्ने सूचनाका आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उक्त कार्यमा संलग्न उनीहरूलाई काठमाडौं जिल्लाको विभिन्न स्थानबाट पक्राउ गरेको हो । 

उनीहरूलाई नागरिकता, लिखत किर्ते र संगठित अपराध सम्बन्धी कसुरमा आवश्यक अनुसन्धान तथा कारवाहीको लागि जिल्ला प्रहरी कार्यालय झापा पठाइएको छ ।

Read More

काठमाडौँ । २०४६ सालको जनान्दोलनका कमान्डर गणेशमान सिंह र मंगलादेवी सिंहकी जेठी छोरी रिता सिंह वैद्यको निधन भएको छ ।

नेपाल बाल संगठनकी पूर्वअध्यक्ष समेत रहेकी सिंहको उपचारका क्रममा आज मेडिसिटी अस्पतालमा निधन भएको हो ।

उनी लामो समयदेखि किड्नीसम्बन्धि समस्याबाट ग्रसित रहेकी थिइन् । सिंहको आज शोभा भगवती, कर्णद्दिपमा दाहसंस्कार हुने परिवारले जानकारी दिएको छ ।

Read More

काठमाडौँ । अमेरिकी राष्ट्रपति डोनाल्ड ट्रम्पले १.४५ मिलियन अमेरिकी सैनिकहरूलाई एक हजार ७७६ डलरको ‘योद्धा लाभांश’ भुक्तानीको घोषणा गरेका छन्।

ट्रम्पका अनुसार, यस भुक्तानीको लागि कोषको एक भाग उनले लगाएको करबाट उठाइनेछ ।

राष्ट्रलाई गरेको टेलिभिजन सम्बोधनमा, ट्रम्पले यो रकम क्रिसमस अघि मानिसहरूसम्म पुग्ने बताए । आफ्नो सम्बोधनमा, ट्रम्पले अर्थतन्त्र र आप्रवासनमा आफ्नो सरकारको रेकर्डको प्रशंसा गरे भने उनले डेमोक्र्याटहरूलाई पनि आलोचना गरेका थिए ।

भाषणमा, ट्रम्पले देश सही दिशामा अघि बढिरहेको र चीजहरूमा सुधार हुने कुरामा आश्वस्त पारेका थिए भने मुद्रास्फीति घट्दै गएको दाबी गरेका थिए । यद्यपि, सर्वेक्षणहरूले धेरै अमेरिकीहरू आवास, बाल हेरचाह र स्वास्थ्य सेवाको बढ्दो लागतबाट असन्तुष्ट रहेको देखाएका छन् ।

Read More

काठमाडौं । दि ओरिएण्टल इन्स्योरेन्स कम्पनीले भाद्र २३–२४ गतेको आन्दोलनका क्रममा क्षतिग्रस्त भएका भौतिक संरचना पुनर्निर्माण, आर्थिक पुनरुत्थान र राहतकार्यमा सहयोग पुर्याउने उद्देश्यले नेपाल सरकारले स्थापना गरेको भौतिक पूर्वाधार पुनर्निर्माण कोषमा २० लाख रुपैयाँ सहयोग गरेको छ।

कम्पनीले आफ्नो संस्थागत सामाजिक उत्तरदायित्व (CSR) अन्तर्गत यस कोषमा योगदान गरेको हो। बिहिबार कम्पनीका अध्यक्ष तथा प्रवन्ध निर्देशक संजय जोशीले अर्थ मन्त्रालय पुगेर अर्थमन्त्री रामेश्वर खनाललाई उक्त रकमको चेक हस्तान्तरण गरेका हुन् ।

अर्थमन्त्री खनालले कम्पनीको यो योगदानको प्रशंसा गर्दै धन्यवाद व्यक्त गरेका छन्।

Read More

काठमाडौं । नेकपा एमालेको नयाँ नेतृत्व चयनका लागि भएको निर्वाचनको मतगणना जारी रहेको छ ।

तेस्रो चरणको मतपरिणाम अनुसार अध्यक्षका उम्मेदवार केपी शर्मा ओलीले अग्रता बढाएका छन् । ओलीले ४८९ मत प्राप्त गरेका छन् र वरिष्ठ उपाध्यक्ष ईश्वर पोखरेलले १७७ मत प्राप्त गरेका छन् ।

त्यस्तै, महासचिवका उम्मेदवार शंकर पोखरेलले ३६४ मत प्राप्त गरेका छन् र सुरेन्द्र पाण्डेले ३०२ मत प्राप्त गरेका छन् ।

Read More

काठमाडौं । नेकपा एमालेको नयाँ नेतृत्व चयनका लागि भएको निर्वाचनको मतगणना जारी रहेको छ ।

पछिल्लो मतगणना अनुसार सचिव पदमा महेश बस्नेत र छबिलाल विश्वकर्माले बढी मत प्राप्त गरेका छन् । सचिव पदमा अधिकांश ओली पक्षका उम्मेदवार आगाडी रहेका छन् । एमालेको सचिवमा ९ जना निर्वाचित हुदै छ । 

सचिव पदका उम्मेदवारले ४४३ मत गणना हुदा पाएको मत: 

 महेश बस्नेत : ३११
छविलाल विश्वकर्मा : ३११
पद्माकुमारी अर्याल : ३०४
शेरधन राई : ३००
खगराज अधिकारी : २७९
हिक्मतकुमार कार्की : २७४
यमलाल कँडेल : २५८
भानुभक्त ढकाल : २२५
गोकुलप्रसाद बासकोटा : १९२
ठाकुरप्रसाद गैरे : १७५
कर्णबहादुर थापा : १६६
रचना खड्का : १५९
लालबाबु पण्डित : १५०
विनोदप्रसाद ढकाल : १४८
अग्निप्रसाद खरेल : १३९
राजन भट्टराई : १३५
कृष्णगोपाल श्रेष्ठ : ११४
पेम्वा लामा : ८५
पुरुषोत्तम पौडेल : ८२
इन्द्रलाल सापकोटा : ७४

Read More

काठमाडौं । नेकपा एमालेको नयाँ नेतृत्व चयनका लागि भएको निर्वाचनको मतगणना शुरु भएको छ ।

अहिलेसम्म ४४३ मत गणना गर्दा अध्यक्षका उम्मेदवार केपी शर्मा ओलीले ३३३ मत र वरिष्ठ उपाध्यक्ष ईश्वर पोखरेलले ११० मत प्राप्त गरेका छन् । त्यस्तै, महासचिवका उम्मेदवार शंकर पोखरेलले २४९ र सुरेन्द्र पाण्डेले १९४ मत प्राप्त गरेका छन् ।

त्यस्तै उपमहासचिवमा सबैभन्दा बढी मत लेखराज भट्टले  २९३ मत पाएका छन् भने रघुवीर महासेठले २६७ र योगेश भट्टराईले २६४ मत प्राप्त गरेका छन् । त्यस्तै विष्णु रिमालले २२० र आनन्द पोखरेलले १३३ मत प्राप्त गरेका छन् ।  बैजनाथ चौधरीले ९७ र त्यस्तै उम्मेदवारी फिर्ता लिएका राजेन्द्र गौतमले ५५ मत प्राप्त गरेका छन् ।

Read More

काठमाडौं । नेपाल इन्स्योरेन्स कम्पनी लिमिटेडले गत आर्थिक वर्षमा आर्जन गरेको मुनाफाबाट शेयरधनीहरूलाई नगद लाभांश वितरण गर्ने घोषणा गरेको छ।

कम्पनीको पुस ३ गते बसेको सञ्चालक समिति बैठकले हाल कायम चुक्ता पुँजीको ६.३१५८ प्रतिशतका दरले (कर सहित) नगद लाभांश दिने निर्णय गरेको हो।

घोषित लाभांश नेपाल बीमा प्राधिकरणको स्वीकृति तथा कम्पनीको आगामी वार्षिक साधारण सभाबाट पारित भएपछि मात्र शेयरधनीको खातामा वितरण गरिनेछ।

कम्पनीको यस निर्णयले लगानीकर्तालाई स्थिर प्रतिफल प्रदान गर्ने विश्वास व्यक्त गरिएको छ।

Read More

बुटवल । सहकारी ठगी तथा सङ्गठित अपराधको अभियोगमा थुनामा रहेका राष्ट्रिय स्वतन्त्र पार्टीका सभापति रवि लामिछाने र गोर्खा मिडियाका तत्कालीन सञ्चालक छविलाल जोशीको मुद्दा आज उच्च अदालत बुटवलको एक नम्बर इजलासमा परेको छ।

अदालतका सूचना अधिकारी रामबहादुर कुँवरका अनुसार उक्त मुद्दा न्यायाधीश वासुदेव आचार्य र तेजनारायण पौडेलको संयुक्त इजलासमा सुनुवाइका लागि तोकिएको हो। यसअघि गत हप्ता मुद्दा ‘हेर्न नमिल्ने’ सूचीमा परेको थियो भने त्यसअगाडि रवि पक्षका कानुन व्यवसायीहरूले निवेदन दिएपछि दुईपटक बहस रोकिएको थियो।

बुटवलस्थित सुप्रिम सहकारी ठगी प्रकरणमा पुर्पक्षका लागि थुनामा रहेका लामिछानेले सहकारीमा अपचलन गरेको भनिएको आफ्नो भागको बिगो रकम दाखिला गरे पनि रुपन्देही जिल्ला अदालतका न्यायाधीश नारायण सापकोटाको इजलासले साउन २६ गते रिहा गर्न अस्वीकार गरेको थियो।

जिल्ला अदालतको उक्त आदेशविरुद्ध लामिछानेले गत भदौ ९ गते उच्च अदालत बुटवलमा पुनरावेदन निवेदन दर्ता गराएका हुन्। आजको इजलासमा सुनुवाइ अघि बढेमा मुद्दाले नयाँ मोड लिने अपेक्षा गरिएको छ।

Read More